Selamat Hari Gawai Dayak, Gayu Guru Gerai Nyamai, Lantang Senang Nguan Menoa

Sa, dua, tiga, empat, lima, enam, tuuuuuujuh!
Kami tu deka ngintu gawai dayak,
Nitih ka pekat, ngimbai adat menoa Sarawak,
Ngibun durok kitai bansa,
Negi ka menira adat ugama menoa Malaysia,
Ngambika tampak rita idup bersama di mata dunya.
O….Hoi!
Enggau sampi tu,
Aku Minta kami chelap-embab,
Minta gayu-guru,
Gerai-nyamai,
Bidik-lansik,
Betuah-belimpah,
Kaya-raja,
Aku minta tulang,
Minta pandang,
Minta iching,
Minta perening.
Awak ka kami mudah bulih duit, bulih ringgit,
Bulih padi, bulih puli,
Bulih reta, bulih tengkira,
Bulih setawak, bulih menganak.
Ngambi ka kami jelai rita, manah nama,
Nuchong baka bukit Rabong menoa,
Tinggi baka langit nungkat neraja,
Terang baka pandang bulan purnama.

Selamat Hari Gawai