Menoa Niah Banjir/ Ampuh Bah

Gambar di Jambatan Niah Banjir, Miri.

Miri: Menoa Niah diatu agi mengkang banjir serta betambah balat agi banjir belabuh ujan balat berengkah ari sebedau Krismas suba. Saritu jambatan Niah, 200 meter sebedau datai di SMK Suai ampuh lalu nda ulih di tengah kereta mit. Maioh bala ti nurun nengah jalai nya nikal baru ke Miri, nyau bekelip-kelip lampu sida ti nikal baru nya meri signal ngagai bala ti benung dlm pejalai kin, tang bala sida enda nemu reti signal nya termasuk bini aku ti sama deka ngagai ke ulu suai kin. Bini aku kerja di sekula ulu suai din. Ngetu di jambatan nya lalu ngambi gambar ngena hanpon ia. Ketegal nya sida lalu telupon ngagai opis pendidikan di subis diak lalu madah ke penusah nyadi baka nya. Sida opis nya pan sama nurun deka meda jalai diak, lalu sida berandau sama diak enggau Kepala Pengajar ti bisi sekula ba genturong Niah diak alu meri pemutus sekula di Niah ditutup ketegal banjir. Aku sigi setuju gak sekula din ditutup sepemanjai banjir tu, laban tusah amai sida pulai ngagai sekula kin, tak nengah banjir serta jalai belubang belama, udah nya terpaksa agi ngena perau ngelaban ai bah ai suai nya, deras agi nya, ukai nya mit sungai nya. Sekula bukai di semenanjung, mimit aja banjir pan ditutup, anang ti ba menia kitai ti banjir tak naka peneras ai. Ko sida ti empu menoa rumah panjai di genturong suai diak, menoa sida ia alu bedau surut ai bah, nyau makin teruk gk diatu, sida ia selalu meda JAGO' ayan ba belah tengah laman ngau baruh rumah, meda jago nya nyau makai udok ngau manuk sida ia, tak naka penakut meh sida ia deka nurun keluar, nyau berati ke kin kia dulu nya baru berani pansut, ko sida ia. NYa...berani kitai kin...menoa nya endang tebilang maioh ndar jago dia. Besampi meh kitai ngambi ke ai diak jampat surut lalu nadai utai ti nda manah nyadi di menoa dia, serta di menoa Miri mega nyau balat amat penyadi tanah runtuh bulan tu kemari.